kayyummu kottappati
പണ്ട്‌, ഞാനറിഞ്ഞത്‌
വരണ്ടുണങ്ങിയ പാടങ്ങളാണ്‌.
ഇന്ന്‌ ഞാനറിയുന്നത്‌
കൊഴിഞ്ഞൊടുങ്ങുന്ന
പച്ചില കൂമ്പുകളാണ്‌.
ശുഷ്ക്കിച്ച പച്ചില തണ്ടുകളിൽ
ഇളം കൂമ്പിന്മേൽ
കുലകുലയായി പൂക്കൾ! ചുവന്ന പൂക്കൾ!
പച്ചിലക്കൂമ്പുകളിൽ
ഇമ്മാതിരി
വ്യാകരണങ്ങളൊന്നും പണ്ട്‌
ഉണ്ടായിരുന്നില്ല!
അല്ല,
പൊടികളച്ചാലും
നുള്ളിയെടുക്കാനാരും
വരുമായിരുന്നില്ല...
ഇന്ന്‌,
കൂമ്പ്‌ വരുമ്പോൾ തന്നെ
അതിന്റെ മുളയുടെ അറ്റത്ത്‌
പന്തം കത്തിച്ച്‌
വേശ്യാതെരുവിലെന്നപോലെ...
കനവുകളിൽ
പെയ്തിറങ്ങിയ
വേദനകൾ...
ഇരമ്പിച്ചീറ്റുന്ന
സംഹാരതാണ്ഡവങ്ങളായ്‌
ഇളമയിൽ,
കൂമ്പിലകളിൽ
സുഖനൊമ്പരങ്ങളുടെ
ചുടുലശ്വാസങ്ങൾ!
ഭ്രമിച്ച ചോരച്ചീന്തുകളായ്‌
പടരും ഹൃത്തിലിങ്ങനെ
നൊമ്പരച്ചില്ലകളായ്‌
ചുവന്ന പൂക്കൾ! ചുവന്ന പൂക്കൾ!
പണ്ട്‌, ഞാനറിഞ്ഞത്‌
വരണ്ടുണങ്ങിയ പാടങ്ങളാണ്‌.
ഇന്ന്‌ ഞാനറിയുന്നത്‌
കൊഴിഞ്ഞൊടുങ്ങുന്ന
പച്ചില കൂമ്പുകളാണ്‌.
ശുഷ്ക്കിച്ച പച്ചില തണ്ടുകളിൽ
ഇളം കൂമ്പിന്മേൽ
കുലകുലയായി പൂക്കൾ! ചുവന്ന പൂക്കൾ!
പച്ചിലക്കൂമ്പുകളിൽ
ഇമ്മാതിരി
വ്യാകരണങ്ങളൊന്നും പണ്ട്‌
ഉണ്ടായിരുന്നില്ല!
അല്ല,
പൊടികളച്ചാലും
നുള്ളിയെടുക്കാനാരും
വരുമായിരുന്നില്ല...
ഇന്ന്‌,
കൂമ്പ്‌ വരുമ്പോൾ തന്നെ
അതിന്റെ മുളയുടെ അറ്റത്ത്‌
പന്തം കത്തിച്ച്‌
വേശ്യാതെരുവിലെന്നപോലെ...
കനവുകളിൽ
പെയ്തിറങ്ങിയ
വേദനകൾ...
ഇരമ്പിച്ചീറ്റുന്ന
സംഹാരതാണ്ഡവങ്ങളായ്‌
ഇളമയിൽ,
കൂമ്പിലകളിൽ
സുഖനൊമ്പരങ്ങളുടെ
ചുടുലശ്വാസങ്ങൾ!
ഭ്രമിച്ച ചോരച്ചീന്തുകളായ്‌
പടരും ഹൃത്തിലിങ്ങനെ
നൊമ്പരച്ചില്ലകളായ്‌
ചുവന്ന പൂക്കൾ! ചുവന്ന പൂക്കൾ!
