പ്രഫുല്ലൻ തൃപ്പൂണിത്തുറ
ഏക്കാളവും പൂത്തും ചിരിച്ചും
പൂക്കാവടി വീണ്ടും ചമച്ചും
നിർന്നിമേഷനായ്‌ നിൽപ്പാണെന്നും
പവിഴമല്ലി, തെക്കേച്ചുറ്റിലിന്നും
എന്നുമൊരേപോലെ നിന്നും കൊഴിഞ്ഞും
കാലചക്രത്തെ താനേ തിരിച്ചും
ക്ഷേത്രാങ്കണത്തിൽഹരിതാഭ നെയ്തും
നിൽപ്പൂ പുത്തൻ കഥകൾ ചമച്ചും
കാലത്തിനൊപ്പം ചിരിച്ചും കളിച്ചും
ഗ്രാമചരിതം തിരുത്തിക്കുറിച്ചും
ശ്രീമൂലസ്ഥാനമറിയിച്ചുകൊണ്ടും
നിൽപു തണലാകെ സൃഷ്ടിച്ചുകൊണ്ടും
കാനനം നാടായി മാറിയശേഷം
നൂറ്റാണ്ടു മുൻപേ ജനിച്ചൊരു സസ്യം
ഭക്തർക്കു സായൂജ്യമേകുന്നരംഗം
കാണുന്നു സാക്ഷ്യം ദേവീസഹായം .
