മാത്യു നെല്ലിക്കുന്ന്
ലോട്ടറി കച്ചവടക്കാരനായ സുരേഷ് ഒരു വലിയ ജീവിത അദ്ധ്യായം തുറന്നു.
നാം മറന്നു കളഞ്ഞ നമ്മുടെതന്നെ ശുദ്ധതകളിലേക്ക് അതു വെളിച്ച വീശി.
നമുക്കെല്ലാം കാര്യങ്ങൾ അറിയാം.
എന്നാൽ നമ്മളെല്ലാം അതിൽനിന്ന് മാറിനിൽക്കും.
സുരേഷ് എന്താണ് ചെയ്തത്? സുരേഷിന്റെ കടയിൽ നിന്ന് ഒരാൾ ടിക്കറ്റ് വാങ്ങിയശേഷം അതവിടെതന്നെ ഏൽപ്പിച്ച് പോയി.
കാരണം അപ്പോൾ അയാളുടെ കൈയ്യിൽ പണം ഇല്ലായിരുന്നു.
എന്നാൽ ആ ടിക്കറ്റിനു ഒരു കോടി രൂപയുടെ സമ്മാനം അടിച്ചു!.
സുരേഷ് അപ്പോൾ വലിയൊരു കർമ്മം ചെയ്തു.
ആ ടിക്കറ്റ് ഉടമസ്ഥനെ തിരികെ എൽപ്പിച്ചു!.
അമ്പത് രൂപയ്ക്ക് വെണ്ടി ഒരാളെ കൊല്ലുന്ന നാടാണ് കേരളം എന്നോർക്കണം.
സുരേഷിനെപ്പോലെയുള്ളവരുണ്ടെങ്കിൽ അവരിലാണ് കേരളം നിലനിൽക്കുന്നത്.
