padmadas
ഒരിടത്തെങ്കിലും
കീറുകയോ
മുഷിയുകയോ
ഉലയുകയോ ചെയ്യാത്ത
മുണ്ടുടുത്ത്‌
ഒരിക്കലെങ്കിലും
കണ്ടിട്ടേയില്ലായിരുന്നു
അച്ഛനെ.
വാഴക്കറ,
ഇല്ലിപ്പടിക്കൊളുത്തലിലെ കീറൽ
പാടത്തെ ചേറ്‌
ഇരുമ്പുപെട്ടിയിലെ തുരുമ്പുകറ
മൂരിയുടെ ചാണകം പുരണ്ട
വാൽകൊണ്ടടിച്ച പാട്‌
അങ്ങനെ എന്തെങ്കിലും
അലങ്കാര സംഋദ്ധികൾ
എപ്പോഴുമുണ്ടാകും
മുണ്ടിൽ
ഒടുവിൽ
അച്ഛനും കിട്ടുകതന്നെ ചെയ്തു
കീറാത്ത, കറപുരളാത്ത
പുതുമണമുള്ള, ഉലയാത്ത
തൂവെള്ള കോടിമുണ്ട്‌
വെണ്മയുടെ മാറ്റുകൂട്ടാൻ
തലയ്ക്കൽ ഒപ്പം
നിൽപ്പുണ്ടായിരുന്നു
പാൽച്ചിരിയുമായി
കൃത്യതയോടെ ഉടഞ്ഞുപിരിഞ്ഞ
ഇരുമുറിത്തേങ്ങ!
ഒരിടത്തെങ്കിലും
കീറുകയോ
മുഷിയുകയോ
ഉലയുകയോ ചെയ്യാത്ത
മുണ്ടുടുത്ത്‌
ഒരിക്കലെങ്കിലും
കണ്ടിട്ടേയില്ലായിരുന്നു
അച്ഛനെ.
വാഴക്കറ,
ഇല്ലിപ്പടിക്കൊളുത്തലിലെ കീറൽ
പാടത്തെ ചേറ്‌
ഇരുമ്പുപെട്ടിയിലെ തുരുമ്പുകറ
മൂരിയുടെ ചാണകം പുരണ്ട
വാൽകൊണ്ടടിച്ച പാട്‌
അങ്ങനെ എന്തെങ്കിലും
അലങ്കാര സംഋദ്ധികൾ
എപ്പോഴുമുണ്ടാകും
മുണ്ടിൽ
ഒടുവിൽ
അച്ഛനും കിട്ടുകതന്നെ ചെയ്തു
കീറാത്ത, കറപുരളാത്ത
പുതുമണമുള്ള, ഉലയാത്ത
തൂവെള്ള കോടിമുണ്ട്‌
വെണ്മയുടെ മാറ്റുകൂട്ടാൻ
തലയ്ക്കൽ ഒപ്പം
നിൽപ്പുണ്ടായിരുന്നു
പാൽച്ചിരിയുമായി
കൃത്യതയോടെ ഉടഞ്ഞുപിരിഞ്ഞ
ഇരുമുറിത്തേങ്ങ!
